تخاطيف كلام ومهزله عربيه وقضيه نهي رشدي

من قضيه تحرش الي قضيه مهزله عربيه

بدات الحكايه من بنوته كان كل غرضها الدفاع عن نفسها وتاخد حقها

محدتش وقف معاها بس كانت ارادتها قويه جدا لحد مااخدت حقها بحكم

3 سنوات مع غرامه تعويض 5000 جنيه

بس والناس فرحتلها واتعملها جروب كلنا نهي رشدي وناس كتير انضمت للجروب ده بغرض حمايه كل بنت

ورساله لكل بنت متسبيش حقك ولو كان ايه ومتخافيش ابدا من اللي هيتقال من الناس

ولحد هنا ونقول استووووب

فجاااااه ومن غير سابق انذار اتغيرت الاحداث في 24 ساااعه

زي مابنقول ديما اللي بينجح في حاجه اليومين دول بيلاقي التعالب حواليه عماله تنهش فيه زي الكلاب المسعوره

خصوصا في مجتمعنا الشرقي ولاننا مجتمع شرقي بنحب نعمل من الحبه اوبه مش كده ولا ايه


من حكايه بنت اخدت حقها لحكايه جديده الفها شويه حقودين

نهي اسرائليه
نهي قالت اسرائيل دي محترمه

تم التحرش فيها في فرنسا واخدت حقها

واخرتها واللي لو خشت علي واحد حمار يستاهل ضرب بالشبب
فبركه صوره لنهي رشدي وهيا لابسه قصير شوفتو بقي ازاي


طب انا نفسي افهم حاجه ياجماعه يعني هيا عشان اسرائليه يعني ملهاش حقوق عندنا في بلدنا

في الاخر تعتبر بنت ومصريه وتم التحرش بيها من مصري يعني ليها كل الحقوق وكل الدوافع انها تتدافع عن نفسها

وتاخد حقها تالت ومتلت وعلي عين كل حقوووود وغيووور

خلينا فاكرين ان تم عقد صلح بين مصر واسرائيل يعني طالما هيا في بلدنا يبقي علي عينا وراسنا وغير كده ياااااناس

دينيا الاسلامي ميقبلش باللي بيتقال ده خالص

يعني لما احنا نعقد نقول كلنا ضد نهي رشدي عشانها اسرائليه الناس الغرب هيقولو علينا ايه

مفكرتوش فيه ديه ,ومن غير ماتفكرو اكيد اتقال واللي كان كان

بغض النظر عن كل بني ادم بقي ضد نهي وعاوز يطلع افراج عن المهتم

*****************************************************

حابه اقولكم حاجه

احنا طول عمرنا شعب ميحبش الخير لغيرو شعب بيبص لجوه بس مش بيبص لبعيد

سبتوه الزبده بتاعت القضيه كلهاااااااااااااااااااااااااااا وهيا التحرش وروحتو لشويه عبط انها اسرائليه وبتاع وكلام

حمضان وتعالا اتفرج بقي اتعملت سيره وحكايه وبقت حكايه ماما زنوبه قبل ماننام

وليسه ياما هنشووف والايام الجايه كتيره


حسبي الله ونعم الوكيل فيكم ياللي مخكم علي قدكم ربنا يشفيكم

وفي المحاميه اللي كانت لابسه العمه وفاقت بعد الحكم ان نهي اسرائليه وهتجيب السمعه الهباب للمحامين

وفي كل حاقد ميحبش الخير لبلده

وانا مع ده كلو مؤيده نهي وبقول كلنا نهي لانها مثال لكل بنت قويه شجاعه مهماش حد في الدنيا واخدت حقها ومن بعد

الحكم اللي صدر وبقول للمتهم تستاهل ولكل اللى امثالك الضرب بالحجر قدام الناس وفي العلن

اعتقد بقي ان الحيوانات التانيه تتلم في بيتها بقي وتخاف وتتقو الله في بنات الناس حتي لوو كانت ماشيه عريانه

ميدكيش الحق انك تمدايديك او انك تفكررررر بس فوكيره صغيره انك تبصلها من اساسو

وقبل مااختم عندي سوال

ايه دخل الجنسيه في التحرش ؟؟؟!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

وبس خلاص كده انا طولت وياريت نبطل ننفخ في اربه مخروومه عشان انا مقموووووصه جدا ومفروووسه

وباقي التفاصيل كلها هتلاقوها في مدونه

خالو الصباغ

يادي النورر ياادي النور اشرقت الانوار اشرقت وتبهلت العصافير ابتهالا

بسم الله الرحمن الرحيم

وعلى بركه الله

استعقشنا بالله الذي لا اله لا هو

اخيرا ثم اخيرا ثم ثم اخيررررررررا ومن مزنقي هذا المتواضع

دخلت عالم المدونين والمدونات وسط الناس اللي دماغها كبيره وواصله لبعيد

وقلمي هيشارك قلمهم وهنبقي اسره تدوينه واحده

بعد تفكير طوووووووويل اوووي من اننا ادخل عالم المدونات

والحمدالله تم بخير

هعرفكو بيا تعرفيه بسيطه وصغننه اووي انا طبعا دي اول مره ليا ادخل الانجاز والحدث التاريخي

البلوجزري هنا

انسانه بسيطه خالص ومفيناش من دلع وهشتك

وعلي راي عادل امام

هشتكنا وبشتكنا ياريس دنتا رئيس والنعمه كويس

يعني نفهم منها ان الهشتكه بس للريس الكبيررررررر هات راسك ابوسها عشان الحاء مش تمسكنا

تانيا :فرفوووووووووشه

وحاسه اننا ممكن اعمل حاجه جايز مش عارفه اعملها في حياتي بس عندي احساس اننا هحقق ذاتي هنا

حشريه بس حشريه طعمه يعني محبش اكون قاعده كده ومش عارفه حاجه

لازم اعرف كل حاجه في ايه حاجه في كل حاجه وبشتي الوسائل التحليله غير كده ملناش في العك

بس كده خلاص كفايه

اورافوار ميسوات

اختكم

مقموصه هانم حاليا