انجازاتي وخساراتي في 2009

نـــقطه توقـــف

صفحه عام جديد قربت انها تتفتح وينطلق منها مشوار جديد , هي محطه فاصله
بس فرصه سانحه لرؤية الامور بشكل مختلف ومراجعه الذات والنظر للمرحله
المقبله بتفاؤل,,

ديما لما بينتهي عام ويتولد عام جديد بنعتبرها سنه من العمر بتعدي وبنعقد نسال
نفسنا ياتري ايه للي حققناه وايه هيا اهدافنا للعام الجديد,,

معروف تماما ان الانسان من غير هدف عامل زي السفينه للي فقدت البوصله
ومبقتش عارفه هيا رايحه منين وجايه منين صح ولا انا هو غير كده

الاهداف اكبر بكتير من ان انسان بيسعي لتحقيق اكبر الارقام , هيا دي نوعيه حياه
الانسان وسعادته,,

المحطات الفاصله في مسيره الانسان مش مجرد تواريخ بتمر في حياته لا دي
اشاره بان الزمن بيعدي وبيمضي وان مسيرة الايام مبتتوقفش

وديما عندنا شيخ الشكاوي ياااه ده الزمن بيعدي بسرعه ياااه دي السنين مرت
اكنها يومين اتنين ,لكن في الحقيقه المؤثرات الخارجيه هيا للي زادت واحنا بقينا
في حاله من الهروله المستمره للي بتخلي الوقت قدامنا أقصر مما نتخيل,


من الاخر كده عشان انا رغايه موووت كل انسان مننا محتاج لحبه التفاؤل للنظره
المستقبليه , فالدنيا ديت في نهايه المطاف هيا زي محنا شيفنها , حياتنا من صنع
افكارنا والصوره بتكون واحده بس من زاويه مختلفه , ولذلك بتختلف الرؤيه بين
الافراد وان كانت الحقائق متشابهه ,

وبنهايه كل عام بتكون فيه انجازات ومطبات بردك ولكن المسيرة مستمره وادينا
بنتعلم من اخطائنا اكثر واكثر , والفشل مش نهايه العالم لا ده مفتاح دهبي قدام
ابواب جديده ومختلفه كتيره,,

بدايه العام الجديد فرصه لينا نجدد علاقتنا مع نفسنا الاول ومع الاخرين وان نعيد
ترتيب أولوياتنا والمستقبل حلم جميل يجب ألا نقلق منه فببساطه أذا يومنا انصلح
بكره ينصلح بردو مش كده ولا ايه

ملحوسه رفعيه : جدد حياتك ونوع اساليب معيشتك , فالايام ممكن تعدي شبه بعضها لو احنا معلمناش الفرق فيها

وكل سنه وانتم طيبين وبصحه وسلامه ويارب السناتي اجمل من للي فاتت وعلى رأي المثل
للي جاي احلي من للي راح ويلا
عمتم صباحا شتويا جميلا من غير شعاعه شمس اهئ اهئ اهئ
اروح اشرب الكوفي بتاعي بدل منا متلجه كده

مابين مطاراتك ياارض الله

من جولتي حول العالم الصغير ههههههههههه ال يعني لفيت كتير

عرفت ايه هو أسوأ مطار

وكان مطار اليمن

عباره صندوق صغير ولا سوق العتبه ياجدعان
ولما تخرج منه الناس مستنيك زي مايكونو مستنين عمرو دياب العيووون هتتطلع من جفونها ههههههههه

انما نيجي للبعدو وهو

,,مطار مصر,, عظيمه يامصر
هو مش وحش بالعكس ده هو عباره عن كلمتين هتفضل تسمعهم من لما تخرج من صاله الخروج لحد التاكسي وهما
كل سنه وانتي طيبه يامدااام
ربنا يخليكي لولادك ياهانم
حمدالله عالسلامه ياعرووسه مصر ولعت من النور ههههههههه ناس فرايحي اووي
والترجمه هيا كالاتي: ياست ماتقرفناش هاتي للي معاكي وخلصينا في ليلتك المهبب دهي
ياست هيا 10 جنيه هتبخلي علينا فيها دنتي جايه من بره والنبي حارصك متريشه ههههههههههه
ماشي ياخويا

مطار الاردن
هيا الاردن كلها ع بعضها غريبه فعلا
بس نظام نظام بس الدم واقف
هما حلوين اه بس دمهم وااااااااااقف اوووي
وحاجه كده تلطش من الاخر :&

مطار ماليزيا
بصراحه هو انا من غير مااقول هو يعتبر سابع اجمد مطار في العالم
وكفايه عليه الكلمتين دول
مفيش حد بيمشي وراك ويقولك كل سنه وانت طيب اشيلك اخدمك
لا اخدم نفسك بنفسك
وبصراحه حاجه اوبهه بس بتوع الجوزات رخميييييين ياساتر
والتكاسي تقطم الوسط بس حاجه اوبهي ياجدعان والله

نخش بقي عالكبير وللي ملهوش كبير يشتريلو كبير
وللي مش لاقي يشتري كبير يأجرلو كبير هههههههههههههه

مطار المانيا
ده حدووووووته حدووووته ايه التكنولوجيا دي
ايه الجمال ده
ايه الناس دي
ايه المضيفات دول ايه المضيفين دول
ايه الموظفين دول
ايه الادب ده
ايه الاخلاق دي
تخرج منه تحس انك برنس
ايه التكاسي دي ليموزين مرسيدس كمان
والله وركبنا مرسيديسات وليموزنات يابشر
ولا الشوارع ااااااه ياقلبي مش هقدر اكلم اكتر من كده اتعب ويجيني شلل تفكيري رباعي ههههههههههههه
ياحلاوتك يااوربا , ياسعدو ياهناه للي يعيش في اوربا
احترام حقوقيه الانسان علي اجمل وجهه , مقارنه بجميع الدول للي تم ذكرها فوق دي
متجيش حاجه جمب جمال المانيا

ملحوسه رفيعه : كل الدول ديت اتلفت لغرض ما في وياريت فيها فسحه
المنحوس مصبوب

يلا سلامو عليكو اروح استخبي تحت البطنيه يحسن تلجت وتجمدت وبقيت كتله زجاج غير معرفه