أحساسي بصور مش بالكلام

وحشتني يابابا

لما نزعل من بعض

لما نكون صحبه حلوه

بنشارك بعضينا كل صغيره وكبيره

وقفنا مع بعض وتحدينا كل شئ سوي

ولا حد قدر يفرقنا

بس جت علي مشكله صغيره

كدبه غيرت مجري الحكايه

خلت كل واحد مشتت تفكيرو

ليه وليه ومليون سوال داير في البال

نفسهم يعرفو ليه

وصاحب الكدبه مش عارفه ليه

ومش لاقي سبب

وندمان اشد ندم

وراجع نفسه وعرف انو غلطان

وقرر يفتح صفحه جديده

تفتكرو صحابو هيسامحوه

ممكن ينسو كل حاجه حلوه بينهم وميسمحوش

ولا يفتكرو الحلو كلو وينسو الوحش ويكملو سوي

مهيا دي الصحبه

مهما جري بنفضل مع بعضينا مهما جري

ولو حصل مننا شرخ يتصلح تاني

محنا مش هنمشي علي مبدأ الزجاج عمرو مايتصلح

احنا هنمشي على مبدأ اللي فات مات

ياريت ياللي زعلانين مني تسامحوني

والله ماكان قصدي , والشيطان كان اشطر مني

انتو متعرفوش انا بحبكم قد ايه

دنتو اللي ليا

ربنا يخليكم ليا يارب ولا يحرمني منكم ابدا

*ّوللرحيل حكايات *ّ

للفراق حكايات تانيه

حكايات تمسكنا من مشاعرنا تحركها تتدوبها تجمدها تعصيها تتمرد علي احساسيها

حكايات تخلي الغياب يحتل مركزها الاواني

وحنينها يحتل المركز التاني

حكايات تجيب الرحيل معاها وتودي في سكتها الفراق بريحته اللي هتفضل لازقه في عقلنا

في فراق يجي من غير مانعملو حساب

يحطنا في الامر الواقع

وفي فراق يخلينا محتارين

ياتري نرحل ونريح الناس مننا ولا منرحلش ونصالحهم

نفضل ولا منفضلشي

فراق يخلينا نسال نفسنا مليون مره

وفي الاخر قلبنا بيحونا اننا منرحلش ونفضل جمب الناس اللي بتحبنا وبنحبها

ساعات نقصد لما نمشي

نسيب حاجات ورانا قاصدين منها

امل في الدنيا ان الناس تفتكرنا اطول فتره ممكنه

**************

ياااه كلام صعب جدا

فكره اننا نمشي ونسيب الناس اللي بنحبهم فكره صعبه كتيره اووي ومرعبه وبتألمنا كتير

بس نعمل ايه

في ناس مطره تمشي

وفي فراق بنتجبر عليه زي ما ماما بتجبر ابنها ياكل غصب عنو

**************

اخيرا

كل واحد مننا في الدنيا ديت له نصيبو من الفرح وله نصيبو من التعب والشقي

وماعليناش الا نرضي بامر ربنا وحكمته وقدرو :))

دمتم بخير

كتابات من قلبي ,