ياخراشي عالواد الدنجوان والبت الدنجوانه يخراشي

ياحلاوة الدنيا يا حلاوة يا حلولي يا حلاوة

بنوته حلوة جيبه حلوة ويومين نعنشه يا حلاوة يا حلاوة

النهاردة وعلى رأي المثل طقت فى دمغنا حاجه غيظتنا انا والمدونه الرائعه انامل شاعره مش

جديدة بس حاجه تفلق

نبطل رغى وندخلو فى الجد

بيقولك الحليوة شايف نفسه حليوة ليه؟؟؟؟؟؟؟

اصل بيبص ف المرايه كتير هع هع

لا لا طبعا

لانه ملقش حد يقوله يا وحش

ايوة بالظبط

نيجي بقي نعرف الواد الدنجوااان أيوووه الدنجوان

ابو رمش كحيل وشامه في خده


هو مييين

سوال صريح وواضح ووجيهة في نفس الوقت

هو الواد الكازنوفا ابو نظاره سوده اخرتها ماركه والقميص المفتوح


ابو خفه دم حسن يوسف وصياعه المرحوووم احمد زكي وعسل كلام احمد حلمي .

اللي مقطع السمكه وديلها ,البصباص الفتك الجدع

الواد اللي يعقد يلت ويعجن ويفتح حوارات وياعيني مش ملاحق يحب في البت ياسو

ولا يجوز البت ديمو ولا يحور عالبت بوتو

الواد اللي يمشي في دماغو ايان كانت الفكره الجهمنيه اللي في دماغو

سواء كانت معفرته او مخلبصه او مصوصوه

اهو ينفذها وخلاص.

مبداو في الحياه :

-لو شوفت واحده تتحب لازمااااااا احبها ومسبهاش اهو اسلي نفسي شويه بدل منا قاعد زي

البهلول كده لا شغله ولا مشغله يلا واحنا ورانا ايه يعني

(نهدي غنوه ادينا بندردش ورانا ايه ورانا ايه)

-كل البنات بتحبك كل البنات حلوين طبعا ياسيدي يابختك وانت اللي زيك ميين وعيش بقي

-عارف يخش للبت منين ما الانثي اساسا بتحب الكلام الحلو

والمعسول وبتدوب بيه ده طبيعي من عند ربنا اللهم لا اعتراض.

-طبعا الدنجوان ميقدرتشي يجوز رغم علاقتو المتعدده المهووله بالبنات مش عيب فيه لأ

, لانه الجواز ده بالنسبالو اكبر هم في حياتو




نشاطه بقي ايه


الولد من دول يبقا متخفى ورا لبسه واسمه ومنظرة العام

عامل شخصيه وبتاع

وقدم الكل ملاك يا خراشى

وله هيبه كمان فى اى مكان بيثبت وجودة اوك ميت فل

وتجى بقا تحط عدسه مكبرة وتتفرج ع الحليوة

يطلع دنجوان

حب مليون بنتوته فى كم سنه يدوبهم فيه ويركن اما يشوف بنت تانيه فيها شئ يجذب

يبتدى ينصب فى شركه

ويعمل فيها حد متزن وكبير وعاقل والله اكبر يعني قدم الكل

فل

من جوة قلبه اسووود اوى

والبت زى العبيطه

كلمه حلوة مرة ف مرة

تلقيها هوب نزلت تقوله بحبك

وتبتدى الليله

وبعد كم يوم كدا من الملل يبتدى يتغير وهى ياعينى تحرق فى دمها

وفي نفسها وهو عايش احلاها قصه مع غيرها

ويجى ينهى لو هى بنت ناس ينهى بطريقه شيك يابنت الحلال مش عايز اظلمك

العمر والزمن ومفيش امل

اهئ اهئ ولادموع تاثر وشويه صمت

وانسا يابو مسعووود

يجى بقا لو بت عاديه فى ثانيه يزحلقها

مع السلامه ياحجه عتريسه شوفى نفسك ويا غيرى

هربت البت

وهو هرب لحد تانى وهكذا


المصيبـــــــــــــــــه

ان الكلام دا في الواقع وفى الخيال

ايووووووووة خيال النت اللى الكدب فيه بيتصدق ويتعااااااااااش والواقع

كمااااااان وكلنا عارفين والحدء يفهمها وهيا ليسه مطارتش

يعني روح انت بس ايتها نادي وانت

تشوف بعنيك اللي محدتش بيشوفو كان ودنا نعمل مقابلات بس الوقت

لم يسعنا يعني فاكتفينا بوضع الموضوع

************************************************** ***********

هتقول الحمد لله مش انا والكل هيدخل يقول كدا

لما انت وهى وهو مش انتم ولا عملتو كدا

الفت انا الكلام ولا بفترى

اكيد فى حد فينا مر بكدا وياكان ظالم او مظلوم

اكيد حد جرح حد وعاش الدورهو الحب دا ايه بقا حاجه نضيع وقتنا

والله حرام بجد


البنت اللى بتتسلو بيها دى اختكم مراتكم امكم عمتكم حد لازم تحافظو عليه

وياريت برضو البنات فوقوووو ياريت كل واحده مننا تكبرها

وتعقلها قبل ماتوقع الفاس في الجمجمه

مفيش حاجه اسمها هعيش شويه وهنسا


اخيرا بقي

الدراسات اثبتت الواد الدنجوان اللي بيعمل كده يااما الخلايا اللي في دماغو ضربت يااما هيا حاله نفسيه

يااما مش عارف يجوز ياما شايف بعنيه الدنيا حلوه عالطول

والراجل من دول لو اجوز يبقي عمل خير بس يبوء بالفشل الذريع

لانو اجوز البت اللي مرضتش تبقي زي باقي المعذبات الضحايا

عشان ده ميقدرتش ان بت ترفضه اساسا دي اهانه له ياجدعان

ده هو عنده استعداد انو يضحي بحريته بس مترفضووش البت

عشان ياقلب امه ميستحملش الاحباط

********************************************

ياناس كفايه قر,الحلوه دي مش ورث دي جت بخلع الضرس والعين

صابتني ورب العرش نجاني,وعضه دجوان ولا

نظره حسوود

وسي لافى يااخواتي هيا االدنيا كده قسمه ونصيب

,متتعجبيش ولا تيأسي من رحمه الله ,فرجه قريب بس انتي
قولي يارب واللي جوزه عيشة وكاميلا وزبيدة قادر كريم يجوزك



************************^^^^^^^^^^^*************** *************
وحق الدنجوان مكفول عنده للي شايف نفسه دنجوان

وكفانا الله شر الدنجوانيون والبنات الساذجة

والسلام عليكم ورحمه الله وبركاته

والله الموفق

يارب .

يــــــــــــــــــــــــــــــــــــــــــــااااارب

اللهم أنت الحليم فلا تعجل ..

وأنت الجواد فلا تبخل ..

وأنت العزيز فلا تذل ..

وانت المنيع فلا ترام ..

وانت المجير فلا تضام ..

وأنت على كل شئ قدير ..

اللهم لا تحرمني سعة رحمتك ،،

وسبوغ نعمتك،، وشمول عافيتك،، وجزيل عطائك . اللهم لاتحرمني وأن

أدعوك ولا تخيبني وأنا أرجوك.

اللهم إني اسألك يافارج الهم وياكاشف الغم يامجيب دعوة المضطر

يارحمن الدنيا ورحيم الاخرة أن ترحمنا برحمتك

امين اللهم امين

معرفش انا كتبت ده ليه بس جايز عشان حسيت اننا مخنوقه شويتين

هوووووووووولى موووووووولي الدنيا سعقه موووت .ودماغي بقت في فريزر

سالبررررررررررد والرعشنه والهنا ومجات الكوفيهات والشاي والملبس والسحلب

من تحت البطنيه بكتبلكم البوست دوت لعلى وعسي صوتي يوصل للمناشدين البوستتيين

ونقول ايه ياخونا البرد الفظييييع ده اللي هبط علينا فجاه .

بقي عندي احساس يقيني اننا هدخل موسوعه جينيس للصوف من كتر الصوف اللي انا لابساه

البرد بتاعنا ده يخش العظيم يهريه ويجي عالسنان يخليها فوق بعضها ترترترترتررتر

ويجي عالاصابع يبوشها وتبقي شبه بعضها زي المغرقه بالظبط

ماحلي نوم شتا الصباح وكل الاوقات مكتونش عايز تروح ايتها مكان .وان زنقت الحمام وكلو بالعافيه هههههههههههه

طول ماجمبك مج الشاي والقهوه والنسكافيه والكابتشينو وبالاصح القهوشيه الكلمه المختصره لكل المنبهات ديت

البر د بتاعنا ده غريب اوي .الشمس موجوده وملعله عالاخر بس ولا الهوي .وجودها زي عدمها بالظبط كده

بيتنا عامل زي تلاجه الاموات .الشمس تخش عليه والبروده تعمل واجبها وتقولها روحي ياشموسه بعيد وعدي علينا

كمان سنه .يكون الواحد كش وانتهي .والواحد حاسس انو على وشك الانقراض

بتسغرب على اخوانا الاجانب عايشين ازاي بالذات يعني روسيا اللي بيعقدو يستنو الشمس بالسنه

لابسين البلاطي والطقيه الصوفيه والكلافزات الصوفيه وبس خلاص والامور تمام وينزل الشغل وكلو في السليم

تيجي لعندنا مانصدق يجبلونا اجازه نجري مندعلين عالبيت جري من غير مانحط فسفوسه منطقايه واحده

وياما قالو في البرد حكايات ,ومحدتش خلي حاجه عنه الا ووصفها

وهيجي ايه وصفنا للبرد جمب وصف الكتاب الكبار

ده الواحد مابيصدق يترمي في حضن مامتو عشان بس يدفي ههههههههه كل واحد بقي وعندو طريقه ازاي

يدفي نفسه .ونناشد البرادنين امثالي اتجرعو في حضن امكم علي قد ماتقدرو . وبس خلاص وده شبب

مني هديه لكل اللي الشربات الصوف مش مقضيه ;)

واخيرا ياسلام عالبرد وحلاوتو لما يجي مع حبه كيلو لحمه حلوين يتعمل بيه شوربه كوارع حلوين ومااقواها شوربه الكواراع .حقيقي الكوارع دي ليها تاريخ عقيق جدا



وبس خلاويـــــــــــص
من يلا بينا كده روح
مقموصه هانم

مش الشكولاته فازت عالفانيليا وبقت اخر حلاوووه

صدق اللي قال فيك يابتاع ياابن البتاعه التيته انك عامل زي الخنفسه اللي علي حيطه وعاوزلها شبب يفعصها

ومن موقعنا هذا ونقول للصاحي اصحي وصحح معانا والنايم اصحي وفوق وركز مقموصه جايه تقول ايه

الواد ابن الخايبه الخيخه الخييييخه فاز في الانتخابات :( :(

وتعالي افرحي ياللي انتي مش غرمااااااااانه

من امبارح وانا متابعه الاحداث ثانيه بثانيه حدث بحدث لحد ماعنيا احمررررت واتبعتلي عالميل

نرحو من الاخت العزيزه التصويت يااما عالجدع اوباما يااما علي نظيره ميكان

وانا روحت اصوت للجدع اللي اسمو ميكان بطيييييييبه قلب وحيات عنيكو

ولا كنت اعرف ولا افتكر انو شرير وناويلنا علي نيه سوووووده فحم

ومكلمتش بقيت التصويت عشان جاني اشمئزاز من اللي هيحصلنا لو فاز واحد من اللتنين الصراصير دول

بس كنت متابعه الاخبار اون لاين وعدد تصويت كل ولايه من ولايات الست هانم امريكا

وكنت شايفه في نن عنين كل مواطن امريكاني نظره الامل الخايبه

وفي استديوهات السي ان ان والاخبار شغاله نار نار ياقلبي نااار ومسبوش ولا فتفوته الا وجابوها

وجابو مراتو وبنتو الهانم ست الحسن والجمال ال يعني والراجل ميكان

وهو بيطبخ اللحمه بتاعتو متعشم في الشعب بتاعو كام صوت حلوين لكن غدرو بيه

وانا بقولك ياميكان معلش انت بقيت كبير ومش ناقص ذنوب خلي الحج اوباما هو اللي يكمل المسيره هو ليسه

شب صغير ومش هيموت الا وهو مخلص على اللي خلفونا حته حته شبر شب

والنهارده المغرب افتح الميل ياخونا عشان اشوف الشعب الحميم بتاعي

الاقي السيد الياهو بيقولي جود افترنون يامس مقموصه وتحته الخبر عالطول كده الكابتن ابو سعد فاز

فاااااز فااااااااااز فااااااااااااااااااز اااااااااااااااااه فااااااااااااز وحياتكم فاااااااز

ويافرحه ماتمت جدتو ماتت يوم مافااااز وملحقتش تفرح بيه ياهساااره ياوجع قلبو

بس مش همه هو بقي طالما امريكا بقيت في ايديه وهينفذ الخطه السوده بنت السوده علي امنا

تتفلق جدتو علي امه علي اللي خلفووه

وانا من مزنقي هذا بقولك يااوباما مش مبرووووووووك من اخر حته في صميم القلب بتاعي ومن كل شريان ووريد

وبس خلااااااااص

هجبلكم بقي في البوست الجاي صور المنافسين

اوباما وهو مبسووط وماشي يارض اتهدي ماعليكي قدي

والحج ميكان وهو خلاص الدمعه هتفر من عنيه خلاص خلاص

انتظررررونا

وخلاص

اتعلم مبادئ الجواز والحب من مهند ونور ولا اقولك تعالا خد ميلو احسن

سيناريو واحد

مجنونه 1: شوفتي اللي حصل في النهارده مع مهند يااااااه ده وسيم وسامه

انا نفسي جوزي يبقي زيو كده عنيه خضره وشعره اصفر ووشه زي الاسد المفترس

ياااااه شايفه بيبوسها ازاي ,اه ياريت القرد فريند بتاعي زيو كده

فاتك نص عمرك النهاررررررده مشوفتيش لما نور وقعت من عالسلم مهند جه شالها ازاي

سيناريو اتنين

مجنون 1: انا اعتقد ان الستات كلها لازم تبقي نور

ده مسلسل ناجح اووي في العلاقات ولازم الازواج كلهم يدرسوه كويس عشان يطبقوه ولا انتي رايك ايه ياست الستات

وبيكلم بثقه عاليه مش عارف ان جتو وكسه هو والبت الهبله ام بدوي اللي اسمها مجنونه واحد

طبعا ومن ده كتير وسمعنا ياما جواز وطلاق والستات مبقاش لسانها بيسكت عن الحجه نور وجمالها والحج مهند وعبطه

والرجاله بردك نور نور نور في احلامي نووور في حمامي نووور في الامتحان نور

في صلاتي نور ههههههههههه ده حتي بنصلي بسرعه عشان نلحق الحلقه استغفر الله العظيم

لأ وخود عندك

.اقرا الحادثه اقرا الحادثه حقيقه الممثل مهند وتخش تلاقي حمل حلقات لم تعرض بعد عالتلفاز وتخش وتلاقي وتلاقي وتلاقي الي مالا نهاااااااااااااااااااااايه

وكلها دعايه فاشله الغرض منها فرمته امخاخ الستات والرجاله بما فيهم الشباب الصغير

خود دي كمان

الان احصل علي ايميل مهند مجاني وللحصول عليه مش ببلاش طبعا احنا شركه نصابه وانتو شبابنا ولازم نستغلكم

ابعت رساله ياحبيبي ب 10 سنت او جندي وفي اقل من ثانيه هتلاقي ميل مهند جالك راكب علي فيل حتي مش جمل

خود دي كمان

العشا اذن

الاخوان الحلوين صلو ال4 ركعات في اقل من ثانيه ولا الهوي ياخوانا والسنه لبعد المسلسل ولا في الفاصل الاعلاني هههههههههههه

مسخرررررره دراميه اعلاميه

وتعالا قرب كمان

تركيا فرحت ااووي لما شافت اننا تافهين اووي لدرجاتي قالت ومالو احنا هنكسب ازاي لازما لازما نعمل مسلسلات هابطه كمان وكمان عشان نخرب بيوت العرب ونخرب عقولهم واحنا ورانا ايه يعني

وعنييييييك ماتشوف الا النوررررررر على كميه المسلسلات التركيه اللي طلعت

لا اله الا الله بجد يعني

انا بقول كده عشان انا بجد يعني قلبي عالناس والله ياجدعان هيلاقو وقت منين يشوفو نور ولا صبحيه ولا حمديه ولا ام بدوي ولا ابو حميد ولا ابو بدوي

اخيرا كان الله في عون الشباب التافهه الجميل بتاعنا

كان الله في عون كل جوز عندو حاله نفسيه هابطه

كان الله في عون كل زوجه مخها مخ فسيخ

***و نصيحه صغننه من اختكم مقموصه***

بما ان وصل الحال بينا للدرجاتي وبقينا شعب سفيق علي رأي البت بتاعت تامر حسني

انا حابه اقولك ياسفيق منكي ياسفيقه بدل ماتشوفي المسلسلات التركيه الهابطه ديت

تعالي اعملي مدونه واكتبي واتنيلي فيها

صلي ركعتين بنفس مش ايتها كلام

اقراي كتاب ينعفك في دنيتك اتعملي الطبيخ عشان لما تتجوزي تعرفي تتطبخي لبعلك الغلبان

نمي مواهبك رسم تنطيف تصوير احرقي نفسك ولعي في نفسك

روحي عالبحر خوديلك غطس واطلعي منه تاني

اعمليلك رياضه بدل مانت تخين من كتر اللب والفستدق اللي كلتو قدام مسلسل المدعايق

اخرجي مع صحابك خرجه ظريفه لطيفه

نام احسن ده حتي نوم الظالم عباده استغفر الله العظيم

دي نصيحه لكل الستات والرداله بدل ماالفاس توقع في الراس انا بقولكم اهو مش هيجبكم لوراه الا البهدله بتاعت المسلسلات المكسيكيه ام بدوي والتركيه ام حميد

وبس خلاص

انتهي

اختكم /مقموصه بنفس المرادي

ياسنسوخه ياولاد البت نجلاء طلعت ايتها كلام

بجد يعني ياجماعه حاجه تخليك تتلوي من الضحك

انا مش هقول حاجه نخلي الفيديو هو اللي يكلم عشان انا زوري ملتهب من الكلام

واللي دارس سيكولوجي ولغه الصوت والعنين هيعرف مين الكداب ياخونا

ربنا يهديكي يانجلاء الظاهره البت ديه كانت شاربه حاجه وعامله سنجوبه ههههههههههههه

والله مش قادره خالص خالص

نهي رشدي 1

نهي رشدي 2

نهي رشدي 3

متنسوش بقي تجيبو مج كوفي واتفرجو واضحكو حكم ده هيبقي مسرحيه الليلاتي

صدق اللي قال المجانين في نعيم

وخلاص كده

اختكم مقموصه