يكمل دع الخلق للخالق

زي محنا عارفين ومدركين اننا في زمن ثورات الربيع العربي وعشان كده لازم بقي نفكنا من العبط للي احنا مستمرين فيه ونركز بقي في دم اخواتنا للي بيروح انما انت هتقولي وانا مالي ياعم هم للي جابوه لنفسهم لا كده انت غلط واستوب عندك  حضرتك نحن مؤمنون اخوه كاسنان المشط اذا سنه واحده من المشط اكسرت واتوجعت كل السنون هتتوجع حلو كده

يعني مش بعد كده الاقي الناس هايصه هايصه في الفيس بوك خصوصا بقي انا جيالكم بامثله سخنه سخنه

مثلا تلاقي واد بلاش نقول راجل عشان دي مش اخلاق الرجال ...تلاقيه ايه قام ضايف بنات لمواخذه مش ولابد سواء من لبسها من كلامها من كلو يعني واديلو بقي يديها كومنتات علي صورها انتي حلوه انتي قمر ايه ده مقدرتش انا والغريب ان هو مش باين عليه الجزء الخبيث ده من وراء الشاشه يعني لانو في ليفل ممروق من الشغل وهو ذات نفسه ممروق وبيدعي الاخلاق والعلم والخ

هو ممكن ده شئ عادي عن الاولاد بلاش نقول رجاله بس عشان اخوانا الرجاله الحمشين ميزعلوش

ولكن يااخواتي الشباب دلوقتي انتم في نظر اي رجل عندو نخوه وبنت عندها غيره حاجه مقرفه الواحد بيجيلو اشمئزاز من اللي بيحصل فاياريت بقي كفايه قرف بقي واتقو الله في دينكم الناس بتموت وانتم هايصين في الانبوكسات بتتعرفو علي بعض وتمسك في دي ودي وتغازل في دي وتقول لدي انتي حلوه اووي وهيا صورتها لمواخذه مخله يعني مفتوح من فوق ومن تحت وشويه خلاليع لابسها فايعني استرجلو بقي عشان احنا معشر البنات في نظرنا الرجاله ماتو في 73 بصراحه

فاين انتم ياارجال ياحمشين ..فين الراجل للي متهموش اي صوره بنت لمو اخذه مش ولابد فين الراجل للي لايعير اهتمام بالبنات كلينا او انو يتعرف عليهم ويبطل بقي من الجو الحمضان ده ..عيب ها عيب بقي  ..عشان انا اخويا اللي هو ليسه مطلعش من البيضه مبيعملش كده وفي نظرو صحابو للي بيعملو كده ناقصين ناقصين بس بيجاملهم ..لا جامد يااواد ياابسبوس

نيجي بقي للبنات وماادراك ماالبنات .البنات بقت تافهه اولا ومستفزه تانيا تلاقي الواحده وهيا اصلا مش حلوه تعقد تفنن في انها تحط صورها وخد عندك كميه المجاملااات اللي مش بتخلص انتي حلوه انتي قمر ماعلينا من ده كلو ..ألنقطه في ليه الكذب ده اول مابنت تحط صورتها تلاقي المعشر بتاع الولاد الخيخه ضافت .والله العظيم  .لكن النقطه مش في الصوره والله هيا ممكن تحط عادي بس التخلف بتاع الشعب العربي فلو عايزه تحطي حطي وانتي وسط مجتمع ممروق بس بطريقه محترمه انتي فهماني ها

المهم بقي البنات عشان ربنا أمر بالستر ربنا يهديهم ومش هنكلم عليهم عشان هما بنات زي ..مش زي في كل حاجه ولله الحمد احنا اسمنا بنات زي بعض بس ..غير كده الله لا قال

نيجي بقي للمخلص بتاع النهارده

انت ياشاب يااولد ..استرجل وخليك راجل حمش عشان عنيك دي هتشكيك يوم القيامه علي الحاجات للي عمال تبصبص عليها وتغازل وتعاكس فاانت في نظر كل بنت دمها حااااار وراجل حمش خيخه ولو حصل ان حد من عندي عمل كده بصراحه ديليت عالطول وهيا بصراحه حصلت لان بحس ان الناس دي بوشين ..تعمل فاهمه وراكزه وهما ياما تحت السواهي دووووواهي ربنا يهديكم واحنا في اخر الزمان يعني يالله نفسي يارب اعمل حاجه كويسه عشان اما امووت دلوقتي الناس بتموت وهيا ليسه مكلمتش 20 سنه . فاخلاص ياولاد ياخيخه من النهارده هنبقي رجاله حمشه وهننزل ونحارب عشان بلدنا وهنتطور بلدنا وهنبطل قله الادب اياها ..عشان احنا سبب نزول مجتمعاتنا الي الاسفل هو ده بالظبببط ,, ومش هنقارن بالدول الاوربيه عشان احنا مش زيهم ولا عمرنا هنكون زيهم الا في حاجه واحده بس ..هيا قله الادب ..

وانتي يابنوته ربنا يهديكي بكل مابتعمليه  ولو حبيتي واحد ومش حبك ورماكي متعديش بقي تعيطي علي اللبن المسكوب ..كملي حياتك واتعلمي وخدي دروس واهم حاجه عن البنت هيا الكرامه فهمتي يابنوته الكرامه ثم الكرامه ثم الكرامه ..ومفيش راجل يستاهل دمعه بنت غير من رحم ربي

بجد انا بفرح اووي لما بلاقي واحد راجل مش معبر بنت ولا بيهتم بالحاجات دي نهااااااائي نهااااااائي نلاقي زي دول فين بقي

  

اخيرا اخيرا اخيرا ..اللهم احسن خاتمتنا اللهم ارزقنا الشهاده دي احسن سنه الواحد يموت فيها شهيد ويخلص ذنوبو كلها احسن سنه نتوب فيها ونراجع فيها حسابتنا كلها كفايه بقي استهتار بقينا في 2011 وليسه بنعاكس وعنينا طويله احفظ عنيك ليوم الدين يااشاب المستقبل يامربي الاجيال ياراجل ياللي هتحمي بلدك ...

اللهم توافانا مسلمين عاقلين ان شاء الله

BY:Haydi allha yer7amha 

B.O:By Naido