صحيح الدنيا بتبدو في احيان كتير سخيفه وماديه ومليئه بالجهل والتعصب والظلم والغباء
صحيح اغلب البني ادمين انانين وطماعين ,وضيق الافق وقصير النظر وبايخ
صحيح العالم مليء بالمأسي من كل الانواع
لكن كمان صحيح ان الحياه فعلا جميله
الحياه جميله بكل مافيها من براءه طفوله وناس شرفاء ورجاله جدعان واقوياء
وستات وبنات جمال وحنينين ,
جميله الحياه بالناس الطيبين ,جميله الحياه بالاصدقاء المخلصين
جميله الحياه بكل ام وكل اب بيحبو أولادهم الي درجه الجنون
جميله الحياه بالطبيعه الجميله والبحر والسما والزرع والنجوم
جميله بمسكه ايدين الحبيبه ودلع الجدة وحنان الأم
جميلة الحياه بالضحك والاحضان ودموع الفرح ,,جميله الحياه
جميله الحياة بالقدرة علي التعلم والقدرة علي التسامح والقدره والغفران
جميله الحياه بالفن والرسم والمزيكا والشعر والحواديت ..
جميله الحياه بالاخلاص والوفاء والتضحيه والايمان والحب
جميله الحياه بأنها مابتفضلش أبدا علي حالها ,جميله بتتغير الفصول والطلوع والنزول
جميله الحياه بتغيرها جميله بكل مافيها من حيره وتساؤل وفضول
جميله بالذكريات وبكل مافيها من جنون
وع راي الشاعر الكبير صلاح جاهين
محلا الحياه حتي في أواخرها
محلا الحياه حتي لو فتافيت ...
من منبربي هذا بقول
زي الحرير أوقات.... زي الحديد أوقات.... قلبي.... ساعات وساعات
كان معكم مفروسه هانم
No comments:
Post a Comment