الحيره والاختيار بيعنو كمان ان البني ادم هو الكائن الوحيد ع الارض للي عنده ضمير
ساعات بحس والله العليم ان ربنا حيحاسبنا علي ضمايرنا بس ,,
مكمن السر محرك البني ادم وموجهه ,,
اجدادنا عاشو ع الارض الطيبه دي من الالف السنين
كتبو في كتاب الموتي ان الميت بيوضع قلبه في كفة ميزان
وفي الكفة التانيه ريشه ,,ريشه اخف حاجه ممكن يوزنوا قصادها قلب بني ادم
لأن الاختيار صعب
لأن القلب ممكن يبقي أخف من الريشه
لأ ن الضمير ممكن يبقي أخف من الريشه وياويلك ياسواد ليلك لو ضميرك أخف من الريشه ,,
الضمير هو سر الاسرار
الضمير هو الفرق بين الكويس والوحش
بين الطيب والشرير
الضمير هو خالقنا متمثل فينا
عايزك تبقي خير
تبقي طيب وحنون وجدع
عايزك تشتغل كويس وتحب باخلاص
ضميرك عايزك ماتزعلش حد
عايزك تبات مغلوب ولا تباتش غالب
ضميرك عايزك امين وصادق وموفي بالوعد
ضميرك انت كما تحب ان يكون , وكما يحب الله ان تكون
بصراحه انا بحس ان لو ضميري بينأبني بموووت ولازم اصفي
جايز غلط غلطه منيله بس انا ضميري بينأبني عليها كتيير
وطالما فوضت امري لله واكلمت فيه يبقي انا كده ضميري مستريح
واتمني ربنا يغفرلي والناس للي زعلتها تكون نست
بصراحه كده
الضمير هو القادر انه ينيمك مستريح ملء جفينك او ماينمكش ابدا
اللهم الهمني القوه والقدره علي ارضائه وعلي ارضائك
امين امين اللهم امين
No comments:
Post a Comment