مبدئيا كده الناس زي بعض عشان بيحسو بنفس الحاجات تقريبا
بتوجعو لنفس الوجع تقريبا ..
نيجي نحسبها
مثلا الملك الفرنساوي اللي عاش من 200 سنه ولا الفلاح المصراوي للي عاش من 3000 سنه
ولا هتلر ولا الفلاح الياباني والنجار الاثيوبي والعميل الصومالي
كل دول لما جالهم وجع الضرس ,الكل اتوجع نفس الوجع
.نفس الاحساس انك عايز تخبط نفسك في ايه كرسي قدامك
توحد مذهل !! سبحان الله حقيقي
كل واحد من الناس دي قلبها انكسر عشان حبيبته اداته الصابونه او حبيبها حلقلها
كل واحد ماتله حد ,,كل واحد تعب وجد لحد مانجح
بيحس بنفس الاحساس
الناس زي بعضيها
عشان كل واحد بيروح يقابل الحته بتاعته بيحس بزغزه بتولع في قلبه حاجه عامله زي الفراشه كده
وده بالمصطلح الافرنجي ,انما احنا مش عارفه بنسميها ايه بصراحه
الناس زي بعضها عشان لما بيصحو متأخرين ووراهم معاد بيتلهوجوا
يلفو حوالين نفسهم مع ان ده بيضيع وقت اكتر
الناس زي بعضها عشان اي بني ادم يدخل اسانسير فيه مرايه لازم يبص علي نفسه
(مع الملاحظه ان البصه هنا هوت بتتخلتف اشد الاختلاف عن البصه في مرايه الحمام )
الناس زي بعضها عشان كل واحد فينا بيكلم نفسه ساعات كتيره اووي
ولو حد شافك بتكش وعامل فيها مكسوف
وبتقوم تغني عشان توهمه انك بتغني مع نفسك يعني
(ايه للي عملته في نفسك ده ياحمار)
الله اعلم احنا بنكسف ليه مع احنا للي جبناه لنفسنا
الناس زي بعضها عشان لو اي حد غلبك في الكلام في مناقشه في خناقه
ولا قالك كلمه مش نزلازلك من زور
ومعرفتش ترد رد يرضي غرورك ويحفظلك كرامتك بتخلص الخناقه دي بعدين وانت لوحدك
وتفضل تعيد وتزيد في نفس الرد اللي اخيرا لقيته وانت عمال تضرب نفس صرم انك مافكرتش تقول كده
ساعه ماكنت المفروض تقول كده
اخيرا
الناس في
الحزن واحد
الفرح واحد
القلق واحد
الاحباط واحد
الخوف واحد
الامل واحد
الحب واحد
البهدله واحد
التشبت بالحياه واحد
الناس مختلفين من بره اه بس من جوه كلنا واحد
نفس الانسان ,,نفس المصدر ,,نفس المصير
كان معكم
مفروسه زي الناس مامفروسه ده ع اساس اننا واحد
No comments:
Post a Comment